12292 просмотров
Багитова Салтанат Жарылғасқызы 1961 жылы туылған, қазақ, Алматы архитектура-құрылыс институтын 1984 жылы «Өнеркәсіп және азматтық құрылыс» мамандығы бойынша үздік дипломмен бітірді. Институтты бітіргеннен кейін Алматы облысы құрылыс ұйымдарында өндірістік-техникалық бөлімде инженер, Манғышлақ облысының құрылыс және архитектура iстерi бойынша облыстық бөлiмінде конструктор болып жұмыс iстедi. 1990-1997 В.И.Ленин атындағы Қазақ политехникалық институтының Ақтаулық филиалында оқытушы болып істеді.
1997-1999 жылдарда 01.02.04 – ҚР ҰҒА «Деформацияланған қатты дене механикасы» мамандығы бойынша күндізгі арнайы аспирантурада оқыды және 1999 жылы 05.05.04 - «Құрылыс және жол машиналары» мамандығы бойынша кандидаттық диссертацияны сәтті қорғап шықты.
1999 жылдан 2005 жылға дейінМ. Тынышпаев атындағы Қазақ көлік және байланыс академиясында доцент істеді. 2003 жылы ЖАК-мен 05.23.00 -«Құрылыс» мамандығы бойынша доцент ғылыми атағы берілді.
2005-2011 жж. К.И.Сәтпаев атындағы Қазақ ұлттық техникалық университетінде доцент, директор орынбасары, «Құрылыс» мамандығы бойынша кафедра меңгерушісі болып қызмет істеді.
2011 жылы ҚР БҒМ Білім және ғылым саласындағы бақылау комитеті шешімімен 05.05.04- «Құрылыс және жол машиналары» мамандығы бойынша техника ғылымдары докторы ғылыми дәрежесі берілді.
9849 просмотров
Бар саналы ғұмырын білім мен ғылым жолына бағыштап келе жатқан ғалымдардың бірі Қозыбақов Бейбіт Ақынбайұлы Алматы облысы қазіргі Райымбек (бұрынғы Нарынқол) ауданы Жамбыл ауылында 1954 жылы 27 ақпанда дүниеге келген.
Б.А.Қозыбақов Қазақстанның оңтүстік-шығыс аймағында шығарылған қазақтың биязылау кроссбред жүнді қой тұқымы авторларының бірі (1994), ауыл шаруашылығы ғылымдарының докторы (2010), Халықаралық ақпараттандыру академиясының академигі (2012), ауыл шаруашылығы малын өсіру, олардың селекциясы, генетикасы және көбеюі саласының жетекші маманы.
Бейбіт Ақынбайұлы орта мектепті бітірген соң (1970), бір жылдай Текес ауылында малдәрігерлік санитар болып жұмыс істеп, шаруашылық жолдамасымен Семей зоотехникалық-малдәрігерлік институтының күндізгі бөліміне оқуға түсіп (1971), аталмыш институтты «зоотехния» (зооинженер-технолог) мамандығы бойынша бітіріп шыққан (1977).
Жас маман ретінде Ұлттық ғылым академиясының Эксперименттік биология институтына аға лаборанттық жұмысқа қабылданып, жемісті еңбегінің арқасында жетекші ғылыми қызметкерлікке дейін көтерілді (1977-2006).
Академиктер, Ф.М.Мұхамедғалиевтың, кейіннен М.М.Тойшыбековтың жетекшілігімен Қазақстанның оңтүстік-шығыс өңірінде мол өнім беретін жаңа қой тұқымдарын шығару, оларды жетілдіру, өндіріске енгізу, тарату, малдың төзімділік деңгейін анықтау, олардың бағалы түрлерін, топтарын өсіру, ұяң жүнді сарыарқа құйрықты қойының ұрпақтарын өсіріп-жетілдіру, дамыту бағытындағы күрделі ғылыми-зерттеу жұмыстарын жүргізіп, жетекшілік қызметтер атқарды.
9210 просмотров
