Забих Саят Қадыржанұлы
Саят Забих 1991 жылы Ақтөбе қаласында дүниеге келген. Орта білімін Алматы қаласындағы ЮНЕСКО-ның Ассоциацияланған «БЭСТ» мектебінде алған. 2019 жылы АҚШ-тағы Purdue University университетін Mechanical Engineering мамандығы бойынша тәмамдаған. Университетте оқу барысында жүйелік талдауға, пәнаралық интеграцияға және инженерлік шешімдерді практикалық қолдануға бағытталған қолданбалы инженерлік және ғылыми-техникалық жобаларға белсенді қатысқан. Чикаго қаласында (Иллинойс штаты) орналасқан Dakkota Integrated Systems халықаралық компаниясында өндірістік тәжірибеден өткен.
2019 жылдан бастап АҚШ-тың өнеркәсіптік секторында кәсіби инженерлік қызметті атқарды. 2019 жылдың қыркүйегінен 2020 жылдың желтоқсанына дейін New Products Corporation компаниясында (Бентон-Харбор қаласы, Мичиган штаты) manufacturing engineer лауазымында жұмыс істеген. Кәсіби міндеттеріне RFQ талдауы, PFMEA, PCP және PPAP құжаттамаларын сүйемелдеу, сондай-ақ өндірістік процестерді жобалау және оңтайландыру кірген.
2020 жылдың желтоқсанынан 2022 жылдың қаңтарына дейін Bausch Advanced Technology халықаралық компаниясында (Клинтон қаласы, Коннектикут штаты) жоба жетекшісі қызметін атқарған. Бұл кезеңде автоматтандырылған инженерлік жобаларды басқарумен, FAT сынақтарын үйлестірумен және жабдықтардың FDA, GMP және ISO нормативтік талаптарына сәйкестігін қамтамасыз етумен айналысқан.
2022 жылдың қаңтарынан 2025 жылдың мамырына дейін Silgan Dispensing Systems халықаралық компаниясында (Гранд-вью қаласы, Миссури штаты) manufacturing engineer болып жұмыс істеген. Қызметі FDA және ISO стандарттарымен реттелетін жоғары жылдамдықты және жоғары көлемді автоматтандырылған өндіріс жағдайында жүзеге асырылған. Негізгі жұмыс бағыттары өндірістік желілерді инженерлік қолдау, күрделі механикалық мәселелерді шешу, жабдықтардың сенімділігін, процестердің қайталанғыштығын және өнім сапасының тұрақтылығын арттыру болды. Оның өндірістік ақауларды азайтуға, шығындарды оңтайландыруға және өнімділікті арттыруға бағытталған инженерлік шешімдері компанияның өндірістік тәжірибесіне енгізілді. АҚШ-та жергілікті өндірісті дамыту мақсатында импорттық құрамдауыштарды қайта жобалап, 3D-модельдер, конструкторлық құжаттама мен спецификациялар әзірлеген, сондай-ақ инженерлер мен техникалық персоналға тәлімгерлік жасаған.
2025 жылдың маусым айынан бастап қазіргі уақытқа дейін Wahl Clipper Corporation халықаралық компаниясында (Стерлинг қаласы, Иллинойс штаты) manufacturing engineer лауазымында қызмет атқарып келеді. Кәсіби қызметі автоматтандырылған жабдықтарды жобалау және енгізу, өндірістік жүйелердің стандарттарын жаңарту, жаңа өнімдерді іске қосу барысында көпсалалы командалармен өзара әрекеттесу және өндірістік тәуекелдерді азайтуды қамтиды. Іске асырылған инженерлік жобалары өндірістік қуаттың артуына, ақаулар мен жабдықтың тоқтап қалуын азайтуға, сапаны бақылау дәлдігі мен жаппай өндірістің сенімділігін арттыруға ықпал етті.
Саят Забихтің ғылыми-зерттеу және академиялық қызметі Shell Eco-Marathon Americas халықаралық инженерлік байқауына ASME атынан инженер-конструктор және күн электрлі көліктің механикалық жобалау жетекшісі ретінде қатысуды қамтиды. Сонымен қатар ол ANSYS бағдарламалық кешенін пайдалана отырып, теңіз құбырларындағы мұнай мен газдың көпфазалы ағындарына CFD-зерттеулер жүргізіп, істен шығу тәуекелдерін бағалау және суасты инфрақұрылымының қауіпсіздігін арттыру мәселелерін қарастырған. Eli Lilly компаниясы үшін eye-tracking технологияларын қолдана отырып, фармацевтикалық қаптаманың адамға бағытталған дизайны саласында зерттеулер жүргізген. Purdue University Northwest студенттеріне FEA, механика және статика пәндері бойынша оқу-әдістемелік қолдау көрсеткен.
Саят Забих практикалық инженерлік қызметті ғылыми-зерттеу жұмысымен ұштастырып, қолданбалы инженерлік әзірлемелердің нәтижелерін ғылыми басылымдарда жариялап, халықаралық ғылыми-тәжірибелік конференцияларға қатысып келеді. Оның Патенттік және инновациялық қызметі автоматтандырылған қызметтерді сәйкестендіруге, тіркелген баға белгілеуге және масштабталатын модульдік архитектураға бағытталған Wizzu цифрлық платформасын әзірлеуді (АҚШ-тың уақытша патенттік өтінімі № 63/813,333, Patent Pending), сондай-ақ АҚШ-та өнеркәсіптік өндіріс үшін арналған, энергия қуатын үздіксіз өндіруге мүмкіндік беретін маховиктік электр энергиясын генерациялау жүйесі бар велосипедті әзірлеуді (уақытша патенттік өтінім № 63/828,254, Patent Pending) қамтиды.
Саят Забих сапаны басқару құралдары бойынша PPAP, FMEA және APQP сертификаттарына ие (Michigan Manufacturing Technology Center, 2019 жылғы қазан, мерзімсіз). 2025 жылдан бастап ол Американдық механикалық инженерлер қоғамының (ASME) мүшесі.