<< Назад
Четверг, 24 Июль 2014 15:57

ҚАЗАҚСТАН IT БІЛІМ БЕРУ ТӘЖІРИБЕСІН ПАЙДАЛАНАТЫН БОЛАДЫ

Бельгия мен Голландияның жетекші университетінің өкілдері Қазақстан мен Еуропадағы инновациялық білім беру үдерісін дамытуға қызығушылық танытты. [24.kz]

Еліміздің оқытушылары Еуропалық одақта өткен тәлімгерлік кезінде сондағы оқу орындарының өкілдерімен кездесіп, келіссөздер жүргізді. Әріптестер бірлескен жобаларды жүзеге асырып, білім беру саласындағы ынтымақтастықты дамыту жайлы келісті. Сапар барысында оқытушылар Жоғарғы политехникалық мектепте, Эйндховен технологиялық университетінде жаттығу дәрістеріне қатысып, жаңа ақпараттық технологиялар саласындағы бельгиялық кәсіпорындар федерациясы мен еуропалық телекоммуникациялық компанияларында кездесулер өткізді. Бұл сапар Қазақстан мен Еуроодақ арасында IT білім беру бойынша ынтымақтастық орнатудағы алғашқы қадам болды.

Жамалбек Түсіпов, Л. Гумилев атындағы ЕҰУ ақпараттық жүйелер кафедрасының жетекшісі:

- Жастарымызды үйретуіміз керек. Тек қана жаңалық ашпай, оны іске асыра білген дұрыс. Сол жағынан көп ақпарат алдық. Көріп-үйренген оқытушылар өз кафедраларына барып, студенттерді жинап, шеберлік сағаттарын өткізеді. Шетелдік ғалымдармен байланыс орнатылады.