Отырыста Қ.И. Сәтбаев атындағы Қазақ ұлттық техникалық зерттеу университетінің профессоры, ҚХА ҒСК мүшесі, «Беларусь» этномәдени орталығының төрағасы, ХАА бас директоры, ҚР ЖМО президенті А.Ф. Цеховой баяндама жасады.
А.Ф. Цеховой өз сөзінде "мемлекет құрушы ұлт" психологиясын қалыптастырудың маңыздылығына назар аударды және шоғырландырылған ұлт парадигмасының негізі бола алатын бес негізгі факторды атап өтті:
Біріншіден, Қазақстан – ядролық қарудан бас тартқан және осы статусын шын мәнінде қолдайтын аздаған мемлекеттің бірі.
Екіншіден, Ұлы дала аумағынан алғаш рет Адам жердегі тартылыс күшін еңсеріп, «Ғарыштың көшпелі мәдениетінің» жаңа дәуіріне жол ашты.
Үшіншіден, ҚХА атынан Қазақстан тәуелсіздігінің қалыптасу кезеңінде сәтсіздікке ұшырамаған және қазіргі уақытта ұлтты шоғырландыру процесіне ықпал ететін этносаралық және конфессияаралық келісімнің жолға қойылған үлгісіне ие.
Төртіншіден, Қазақстанның 1945 жылы нацизмді жеңген мемлекеттермен ортақ тарихы бар.
Бесіншіден, Қазақстан Еуразия құрлығындағы көршілерімен шекаралары реттелген және ғаламшардағы басқа елдермен қақтығыстары жоқ.
А.Ф. Цеховой аталған факторлар Қазақстандағы ұлттық құрылыс процесінде Қазақстан азаматтарын этносаралық және конфессияаралық шоғырландыру үшін нақты идеологемаға айналуы мүмкін екенін атап өтті. Бұл идеялар 2023 жылы олар ҚХА ҒСК-не ұсынған «Шоғырландырылған ұлт» жобасына енгізілді.
ХАА дирекциясы
